პრეზიდენტმა საფრანგეთის სენატის წევრებთან „უცხოური გავლენის გამჭვირვალობის შესახებ“ კანონის მიღების გარშემო განვითარებული მოვლენები განიხილა

საქართველოს პრეზიდენტმა სალომე ზურაბიშვილმა, თბილისში ვიზიტად მყოფ საფრანგეთის სენატის წევრებთან, ქვეყანაში შექმნილი ვითარება და „უცხოური გავლენის გამჭვირვალობის შესახებ“ კანონის მიღების გარშემო განვითარებული მოვლენები განიხილა.

როგორც ორბელიანების სასახლეში გამართული შეხვედრისას საქართველოს პრეზიდენტმა აღნიშნა, დღეს ჩვენს წინაშე არსებული გამოწვევები საფრთხეს უქმნის, როგორც საქართველოს ევროპულ მომავალს ასევე, ევროკავშირის გაფართოების პერსპექტივას და დღეს, ისე როგორც არასოდეს საქართველოს ევროპელი პარტნიორებისა და მეგობრების მხარდაჭერა და ყურადღება სჭირდება.

საუბარი შეეხო საქართველოს ევროპულ გზას და ამ მიმართულებით, საქართველოს მოსახლეობის განწყობებს, რომელთა 80 პროცენტი ურყევად უჭერს მხარს ქვეყნის ევროკავშირში გაწევრიანებას.

საფრანგეთის სენატის ევროპულ საკითხთა კომიტეტის თავმჯდომარის, ჟან ფრანსუა ღაპენის განცხადებით, საფრანგეთის სენატი ყურადღებით ადევნებს თვალს მიმდინარე მოვლენებს და გაუგებარს უწოდებს საქართველოში ამ კანონთან დაკავშირებით ხელისუფლების ქმედებებს, რომელიც საქართველოს ევროპულ გზას არ წაადგება.

სენატის დელეგაციამ მადლობა გადაუხადა საქართველოს პრეზიდენტს ქვეყანაში დემოკრატიისა და ქვეყნის ევროპული პერსპექტივისათვის გაწეული ძალისხმევისათვის და ხაზი გაუსვა საქართველოს ევროინტეგრაციის პროცესში პროგრესისთვის ევროკავშირის რეკომენდაციების შესრულების მნიშვნელობას.

საქართველოს პრეზიდენტმა ხაზგასმით აღნიშნა საპარლამენტო არჩევნების სტაბილურ და დემოკრატიულ გარემოში ჩატარების მნიშვნელობა და რწმენა გამოთქვა, რომ საქართველოს მოქალაქეები არჩევნებზე ქვეყნის ევროპულ მომავალს დაუჭერენ მხარს.

 

სხვა სიახლეები

პრეზიდენტი - ჩვენთვის სპორტი ეგზისტენციალური გახდა: ერთობის ერთ-ერთი სახეობა, ჩვენი ერთად დგომის, ერთად ყოფნის და ერთობლივი სიხარულის, რაც ძალიან გვჭირდება და დარწმუნებული ვარ, რომ როცა დაგვიბრუნდებით, ესეც დიდი, ერთობლივი სიხარულის მომენტი იქნება

შესარჩევმა კომისიამ განცხადებით მიმართა საქართველოს პრეზიდენტს და იუსტიციის უმაღლესი საბჭოს არამოსამართლე წევრად დანიშვნის მიზნით რეკომენდაცია გაუწია გიორგი ბურჯანაძეს და კახა წიქარიშვილს

გიორგი მსხილაძე - პენსიის კანონში ცვლილებები აჩენს რისკს, რომ საბჭო დაკომპლექტდეს მმართველი ძალის ინტერესების გამტარებელი კადრებით, რაც შესაძლებელს გახდის, ფონდის ინვესტიციები განხორციელდეს მმართველი ძალის პოლიტიკური გადაწყვეტილებებით და არ მოემსახურება მოსახლეობის საუკეთესო ინტერესებს