სალომე ზურაბიშვილი


დაიბადა 1952 წლის 18 მარტს პარიზში (საფრანგეთი).

იცის ქართული, ფრანგული, ინგლისური (თავისუფლად) და იტალიური (სასაუბრო დონეზე) ენები.



 განათლება

1969 - 1972 პოლიტიკურ მეცნიერებათა ინსტიტუტი, პარიზი, საფრანგეთი
1972 - 1973 კოლუმბიის უნივერსიტეტი, საერთაშორისო და საზოგადოებრივ საქმეთა სკოლა, ნიუ-იორკი, ამერიკის შეერთებული შტატები



დიპლომატიური და პოლიტიკური კარიერა

1974 - 2004

დიპლომატიურ საქმიანობას ეწეოდა საფრანგეთის საგარეო საქმეთა სამინისტროში (საელჩოები იტალიაში, ამერიკის შეერთებულ შტატებსა და ჩადიში); საფრანგეთის წარმომადგენლობებში (გაერო, ნატო, დასავლეთ ევროპის კავშირი, ეუთო). მუშაობდა საფრანგეთის პრემიერ-მინისტრის აპარატის ეროვნული თავდაცვის გენერალურ სამდივნოში საერთაშორისო და სტრატეგიულ საქმეთა დირექტორად; საფრანგეთის საგარეო საქმეთა სამინისტროში სტრატეგიულ ურთიერთობათა სამმართველოს უფროსად.


2003

დაინიშნა საფრანგეთის საგანგებო და სრულუფლებიან ელჩად საქართველოში.


2004 - 2005

იყო საქართველოს საგარეო საქმეთა მინისტრი. მინისტრის პოსტის დატოვების შემდეგ, 2006 წლის 11 მარტს დააფუძნა პოლიტიკური პარტია „საქართველოს გზა“.


2006 - 2015

იყო პარიზის პოლიტიკურ მეცნიერებათა ინსტიტუტის ასოცირებული პროფესორი (საერთაშორისო ურთიერთობები).


2010 - 2015

ხელმძღვანელობდა გაერთიანებული ერების ორგანიზაციის უშიშროების საბჭოს ირანის სანქციების მონიტორინგის ჯგუფს.


2016

გახდა საქართველოს პარლამენტის დამოუკიდებელი დეპუტატი.


2018 გახდა საქართველოს პრეზიდენტი