ხშირად დასმული კითხვები

საქართველოს პრეზიდენტის ადმინისტრაციის მისამართია:

0108, თბილისი, ათონელის ქ., N25.

ადმინისტრაციაში განცხადების/წერილის შემოსატანად შეგიძლიათ:

ა) გამოგზავნოთ ფოსტით მისამართზე: 0108, თბილისი, ათონელის ქ., N25, საქართველოს პრეზიდენტის ადმინისტრაცია;

ბ) გამოგზავნოთ ელექტრონული ფოსტის მისამართზე: info@president.gov.ge;

გ) გამოგზავნოთ საქართველოს პრეზიდენტის ოფიციალურ ვებგვერდზე არსებული ფანჯრის მეშვეობით: „წერილი პრეზიდენტს“ (ბმული).

დ) მოიტანოთ ადმინისტრაციაში და ჩააბაროთ ვახტანგ ორბელიანის ქუჩის მხრიდან არსებულ მოქალაქეთა მისაღებში* (მოქალაქეთა მისაღების სამუშაო საათებია: 10:00–18:00).

*შენიშვნა: ამჟამად, პანდემიასთან დაკავშირებული შეზღუდვებიდან გამომდინარე, მოქალაქეთა მისაღები დროებით დაკეტილია. წერილი შეგიძლიათ ნებისმიერ დროს მოათავსოთ ვახტანგ ორბელიანის ქუჩის მხრიდან შენობასთან არსებულ საფოსტო ყუთში. საფოსტო ყუთში მოთავსებული წერილები რეგისტრირდება შეუფერხებლად.

საქართველოს პრეზიდენტის ადმინისტრაციაში შემოსატანად წერილის/განცხადების ძირითადი მოთხოვნები:

ა) დაწერილი უნდა იყოს საქართველოს პრეზიდენტის სახელზე;

ბ) დაწერილი უნდა იყოს საქართველოს სახელმწიფო ენაზე;

გ) უნდა შეიცავდეს განმცხადებლის სახელს, გვარს, მისამართს და საკონტაქტო სატელეფონო ნომერს;

დ) გარკვევით უნდა იყოს ჩამოყალიბებული ძირითადი აზრი და მოთხოვნა;

ე) უნდა იყოს ხელმოწერილი და მიეთითოს თარიღი.

ადმინისტრაციაში წერილი/განცხადება წარმოდგენილი უნდა იყოს ქართულ ენაზე ან უნდა ერთოდეს ნოტარიულად დამოწმებული თარგმანი.

მსჯავრდებულის შეწყალების თხოვნის წერილის ძირითადი მოთხოვნები:

ა) დაწერილი უნდა იყოს საქართველოს პრეზიდენტის სახელზე;

ბ) დაწერილი უნდა იყოს საქართველოს სახელმწიფო ენაზე;

გ) უნდა შეიცავდეს განმცხადებლის სახელს, გვარს, მისამართს და საკონტაქტო სატელეფონო ნომერს;

დ) გარკვევით უნდა იყოს ჩამოყალიბებული ძირითადი აზრი და მოთხოვნა;

ე) უნდა მიეთითოს მსჯავრდებულის სახელი და გვარი;

ვ) უნდა მიეთითოს საქართველოს სისხლის სამართლის კოდექსით გათვალისწინებული სასჯელის ზომა;

ზ) უნდა მიეთითოს დაწესებულების დასახელება, რომელშიც იხდის სასჯელს;

თ) უნდა იყოს ხელმოწერილი და მიეთითოს თარიღი.

განცხადების ძირითადი მოთხოვნები:

ა) დაწერილი უნდა იყოს საქართველოს პრეზიდენტის სახელზე;

ბ) დაწერილი უნდა იყოს საქართველოს სახელმწიფო ენაზე;

გ) გარკვევით უნდა იყოს ჩამოყალიბებული ძირითადი აზრი და მოთხოვნა;

დ) უნდა შეიცავდეს განმცხადებლის სახელს, გვარს, მისამართსა და საკონტაქტო სატელეფონო ნომერს;

ე) უნდა იყოს ხელმოწერილი და მიეთითოს თარიღი;

ვ) უნდა ერთოდეს განმცხადებლის პირადობის დამადასტურებელი მოწმობის ასლი – იმ შემთხვევაში, თუ საჯარო ინფორმაცია შეიცავს განმცხადებლის პირად მონაცემებს;

ზ) სხვა პირის/პირთა თაობაზე საჯარო ინფორმაციის მოთხოვნისას უნდა ერთოდეს ამ პირთა წერილობითი თანხმობა ან შესაბამისი წესით დამოწმებული მინდობილობა.

ინფორმაციას წერილის სარეგისტრაციო ნომრის შესახებ ავტომატურად მიიღებთ თქვენს წერილში/განცხადებაში მითითებულ საკონტაქტო მობილურ სატელეფონო ნომერზე (ასეთის არსებობისა და მითითების შემთხვევაში).

წერილის სარეგისტრაციო ნომრის შესატყობად აგრეთვე შეგიძლიათ სამუშაო საათებში (10:00–19:00) დაუკავშირდეთ ადმინისტრაციის ცხელ ხაზს ნომერზე: 032 2 28 88 88.

თქვენს წერილთან/განცხადებასთან დაკავშირებული ნებისმიერი ინფორმაციის მისაღებად შეგიძლიათ დაუკავშირდეთ საქართველოს პრეზიდენტის ადმინისტრაციის ცხელ ხაზს ნომერზე: 032 2 28 88 88.