საქართველოს პრეზიდენტს, სალომე ზურაბიშვილს შვედეთის სამეფოს საგანგებო და სრულუფლებიანმა ელჩმა საქართველოში ანა ლიბერმა, სლოვაკეთის რესპუბლიკის საგანგებო და სრულუფლებიანმა ელჩმა საქართველოში მატუშ ბუშოვსკიმ და თურქმენეთის საგანგებო და სრულუფლებიანმა ელჩმა საქართველოში დოვლეტმირატ სეიტმამმედოვმა რწმუნებათა სიგელები გადასცეს.
რწმუნებათა სიგელების გადაცემის ოფიციალური ცერემონია ორბელიანების სასახლეში გაიმართა.
