საქართველოს პრეზიდენტთან სატელეფონო საუბრისას დანიის პრემიერ - მინისტრმა მაღალი შეფასება მისცა კორონავირუსთან ბრძოლისას საქართველოს ხელისუფლების მიერ გატარებულ ღონისძიებებს.
საქართველოს პრეზიდენტმა აღნიშნა, რომ ისეთი პატარა ქვეყნებისათვის, როგორიც საქართველო და დანიაა მულტილატერალიზმი ძალიან მნიშვნელოვანია, რათა ჩვენმა ქვეყნებმა ერთად იბრძოლონ გლობალური პრობლემების წინააღმდეგ.
მხარეებმა ასევე ისაუბრეს საქართველოს ევროინტეგრაციის პროცესთან დაკავშირებით, რაზეც საქართველოს პრეზიდენტმა აღნიშნა, რომ ევროკავშირთან უფრო მეტი ინტეგრაციისათვის საჭიროა გადაიდგას უფრო კონკრეტული ნაბიჯები.
საუბარი ასევე შეეხო შავი ზღვის უსაფრთხოების საკითხებსა და შავი ზღვის როლს სავაჭრო და სატრანსპორტო მიმართულებით.
