საქართველოს პრეზიდენტის სიტყვა საქართველო-აშშ-ის  დიპლომატიური ურთიერთობის 30 წლისთავისადმი მიძღვნილ  ღონისძიებაზე, რომლის ფარგლებშიც უკრაინისადმი სოლიდარობის საღამო გაიმართა.

მოგესალმებით ბატონო პრემიერო, 
ქალბატონო ელჩო, 
მივესალმები პატივცემულ საზოგადოებას. 

ჩემთვის ძალიან დიდი პატივია სიტყვით გამოსვლა აქ, იმ ღონისძიებაზე, რომელიც საქართველოსა და აშშ-ს დიპლომატიური ურთიერთობების 30 წლისთავს ეძღვნება.

მნიშვნელოვანია ეს 30 წელი. 30 წელი, ეს ერთი თაობაა. 30 წელია ამერიკა საქართველოს მხარში უდგას. მე ვეთანხმები იმას, რაც დღეს აქ ითქვა, რომ ვიღაცები ცდილობენ ცრუ ინფორმაცია გაავრცელონ: თითქოს სხვა ღირებულებები გვქონდეს, თითქოს ეს შეიძლება არ იყოს ჩვენი უძველესი კულტურის შესატყვისი, მაგრამ ამერიკის პოლიტიკა ჩვენ მიმართ, ის თანადგომა და ის მხარდაჭერა, რაც იყო და არის, ფასდაუდებელია და ჩვენ ამას უნდა ვაფასებდეთ!

ჩვენც ჩვენი მხრიდან ამერიკისთვის სანდო მეგობარი და სანდო პარტნიორი ვიყავით, რომელმაც თავი არ დაიშურა და იდგა იქ, სადაც საჭირო იყო - ავღანეთსა, თუ ერაყში. მაგრამ, არ მინდა დღეს ჩვენი 30 წლის ისტორია მოგიყვეთ, რადგან ეს ყველამ კარგად იცით - ეკონომიკური მხარდაჭერის, დიპლომატიური, პოლიტიკური თუ  კულტურული მიმართულებით. 

მინდა, ცოტა უფრო შორს წავიდე და გავიხსენო, რომ ჩვენი ერთობლივი ისტორია 30 წლის წინ არ დაწყებულა, მე, დინ აჩისონის 70 წლის წინანდელ სიტყვებს, გავიხსენებ, რომელიც მან 1951 წლის 26 მაისს წარმოთქვა, როცა Voice of America - ის ქართული სექცია დაარსდა:

„The word Georgia recalls a memory of the argonauts who sailed in quest of the golden fleece and of Promotheus who stole the sacred fire from heaven and gave it to man - That he might be free. The world remembers how often you Georgians have fought for this principle of freedom, how valiantly throughout your glorious thousand year of history you have defended your ancient culture and Christian civilization. 

You have been often conquered, but never subdued. You have been able throughout the ages to preserve your own national personality, and you have never lost the will to stand up for your human rights. We Americans admire you for this enduring spirit. Our country was founded on a firm belief in the principles of liberty and justice for all, and our sons have fought and died and are fighting now for the defence of those principles. 

The Voice of America will, from now on, bring you in your own language the truth which the Communists fear and try to keep from you. We shall tell you what goes in the world at large, including the aggressive military actions in the name of peace for which the Communist leaders are responsible. Their plots and threats are forcing free men to stand firmly against the further spread of despotism. The ultimate goal of the American people and their government is a peaceful world in which there is no strong and no weak, no master and no slave, but where all men can live and work freely and happily without want or fear and with the right to worship God in their own way.

This is our vision of the future; we invite you to share it. I extend to you Georgians in the name of the American people, our sincere and friendly greetings.”

ეს იყო 1951 წელი, 70 წლის წინ და დღემდე არაფერი შეცვლილა. დღეს იგივე აგრესიას ვხედავთ რუსეთის მხრიდან, რომლებსაც მაშინ კომუნისტებს ეძახდნენ. დღეს აგრესია არ შეცვლილა, არ შეცვლილა ბრძოლა, არ შეცვლილა სოლიდარობა და მხარდაჭერა. ეს არის ის, რასაც დღეს ჩვენ ამერიკისგან ვხედავთ. ჩვენც შეიძლება ვიფიქროთ, 2008 წელს სხვანაირი მხარდაჭერა რომ ყოფილიყო, უფრო მეტი რეაგირება და რუსეთის უფრო უკეთ დანახვა რომ მომხდარიყო, შეიძლება დღეს ამ მდგომარეობაში არ აღმოვჩენილიყავით, მსოფლიო და ევროპა არ იქნებოდა ამ მდგომარეობაში, მაგრამ ისტორია მეორედ არ იწერება. 

ჩვენ უნდა ვიფიქროთ დღევანდელ დღეზე და უკრაინას, მისი შეუდარებელი ბრძოლისათვის, კიდევ ერთხელ უნდა გამოვუცხადოთ ჩვენი ერთიანი სოლიდარობა. უკრაინელები დღეს ისევე იბრძვიან თავიანთი ქვეყნისთვის, როგორც საუკუნეების განმავლობაში ქართველები იბრძოდნენ, მაგრამ ისინი დღეს  ასევე იბრძვიან ყველას თავისუფლებისა და ხვალინდელი მსოფლიოსთვის. ჩვენ ყველამ ვიცით, რომ ხვალინდელი მსოფლიო  სხვა იქნება, მაგრამ როგორი იქნება ხვალინდელი რუსეთი, როგორი იქნება ხვალინდელი ევროპა, როგორი იქნება ამ ახალ ვითარებაში ამერიკის ხვალინდელი ჩართულობა, ამას დღეს ვერ ვიტყვით, თუმცა ერთი რამ შეიძლება დარწმუნებით ვთქვათ - ხვალინდელი მსოფლიო აღარასოდეს იქნება ის, რაც  დღემდე იყო და ეს უდაოდ უკრაინელების დამსახურებაა. 

ამიტომ, დღეს თუ ჩვენ შეგვიძლია ვთქვათ: რა გვინდა, ეს არის კიდევ უფრო ძლიერი ამერიკა. დღეს აშშ-ს პრეზიდენტი იმყოფება პოლონეთში და იქ გამოუცხადა მხარდაჭერა უკრაინას, იქ ჩატარდა შეხვედრები უკრაინელ წარმომადგენლებთან. 

გვინდა კიდევ უფრო ჩართული ამერიკა, კიდევ უფრო დიდი მხარდაჭერა უკრაინისთვის. ჩვენ ამას მხოლოდ ჩვენთვის არ ვითხოვთ, რეალურად ვითხოვთ მათთვისაც და დანარჩენი ევროპისთვისაც. ეს გადამწყვეტი ბრძოლა და გადამწყვეტი პერიოდია, რაც ყველამ ძალიან კარგად  უნდა დავინახოთ. ყველა უნდა ვიდგეთ იქ, სადაც უნდა ვიდგეთ. ცხადია, ყველას არ შეუძლია ერთნაირად გამოხატოს სოლიდარობა, არიან პატარა და დიდი ქვეყნები, არიან სხვადასხვა გეოპოლიტიკურ ადგილმდებარეობაში მყოფი ქვეყნები. ვიცით, რომ  ჩვენ არ გვიცავს [ნატოს ხელშეკრულების] ,,მეხუთე მუხლი“, სწორედ ესაა ჩვენი მისწრაფება, რომ ერთ დღეს ჩვენც ვიყოთ იმ ხაზის მეორე მხარეს, სადაც შეიძლება იყო უფრო გაბედული და უფრო სხვანაირად გამოთქვა შენი ხედვა, შენი მხარდაჭერა, მაგრამ სოლიდარობა ყველას გვევალება, დღეს ყველანი სოლიდარულები ვართ უკრაინელი ხალხის მიმართ და ჩვენ მათ მადლობას ვუცხადებთ. მადლობას ვუცხადებთ ამერიკის სახელმწიფოს მთელი ამ წლების პოლიტიკისთვის და როცა ხვალინდელი დღე დადგება, ომის შემდეგი დღე, როცა დაიწყება აღმავლობა, აღმშენებლობა, ჩვენ მას ვთხოვთ ძალიან დიდ ჩართულობას, საჭირო იქნება ალბათ, ახალი მარშალის გეგმა, უკრაინისთვის, ახალი მიდგომები ახალი მსოფლიოსთვის. მეტი ჩართულობა აქაც -  კავკასია და შავი ზღვა, ის რეგიონებია, რომლებიც ამ მოვლენებიდან გამომდინარე, უფრო სტრატეგიული გახდება, ვიდრე აქამდე იყო. 

ჩვენთან დაგვიანდა ამერიკიდან მაღალი დონის ვიზიტები. პირადად, საქართველოს თხოვნა იქნება ეს. დროა. ქართველი ხალხი ელოდება, რომ აქ ჩამოვლენ მაღალი დონის ვიზიტორები, აშშ-ს პრეზიდენტი. ამერიკის პრეზიდენტი უკვე იმყოფებოდა საქართველოში და ჩვენ ის მივიღეთ ისე, როგორც არცერთი სხვა ქვეყნის [პრეზიდენტი] და მგონი, დროა, ეს გავიმეოროთ. 

მინდა, კიდევ ერთხელ, ვუსურვო ამერიკას და საქართველოს, ჩვენი კიდევ უფრო მჭიდრო ურთიერთობების გაგრძელება მრავალი წელის განმავლობაში. მინდა ვუსურვო უკრაინას ამ ბრძოლაში გამარჯვება, რამეთუ მისი გამარჯვება ყველას გამარჯვებაა! 

გაუმარჯოს საქართველოს! God bless America! Слава Украине!