საქართველოს პრეზიდენტი სალომე ზურაბიშვილი მოლდოვას რესპუბლიკის პრემიერ-მინისტრს, ნატალია გავრილიცას შეხვდა.
საუბარი შეეხო საქართველოსა და მოლდოვას წინაშე არსებულ გამოწვევებს, უკრაინის ომს და მის გავლენას ეკონომიკურ და სოციალურ საკითხებზე.
როგორც საქართველოს პრეზიდენტმა ასევე მოლდოვას პრემიერმა აღნიშნეს, რომ დღეს უმთავრესია უკრაინის მიმართ სოლიდარობა და მათი მხარდაჭერა.
,,საქართველო უკრაინისა და მისი ხალხის გვერდით დგას, ასეთ დროს ევროპელი პარტნიორების დახმარება და ერთობლივი პროექტების განხორციელება, რომელიც დღის წესრიგში იდგა, დღეს ერთი ორად მნიშვნელოვანია", - აღნიშნა პრეზიდენტმა.
პრემიერმა პრეზიდენტს მოლდოვაში შექმნილი ეკონომიკური მდგომარეობის შესახებ მიაწოდა ინფორმაცია.
საქართველოს პრეზიდენტმა ნატალია გავრილიცა თბილისში ქალთა საერთაშორისო კონფერენციაზე მიიწვია, რომელიც 2023 წელს იგეგმება.
